Inutile de vous rappeler la prononciation des lettres qui ont leurs grandes importances dans ce type de poésie.
Amusez-vous.
PS: Attention, ce poème n'est que la pure fiction et imagination qui pourrait coincider avec certaines réalités de n'importe quelle société.
ملاّ سلعة
...
إيجوا نَحكيلكم يا خْواني
مِ الدّوهانجي واش نْعاني
تْقولشي بْهيمه وحَرّاني
تْنهق و تْصيح كِيف تْراني
وْخينا عَاملّي بَزناسْ
وَجْهَ مْنقِب كِالكَسكاسْ
بُومه شَايحه وُسط النّاسْ
لا تَهْدَ ولا تْذوق نْعاسْ
رَاسَه عَامل كِالدّلاعَهْ
فَرطاس وخَشمه فُقاعهْ
عِينيه دَاخله كِالبلاّعهْ
عُود سِبركه وخِيشة قَاعهْ
طُول عُمره شَاددلي الحِيط
بَلاده، رْكاكه وتْبلعيطْ
لِيل ونْهار كِالفرزيطْ
يِزنزن هو وجْماعه مْلاقيطْ
وْخينا رَاهو كَذابْ
بَهبار، فَشلام ونَصّابْ
عِينه ما تِملاها تْرابْ
يِحكحكْ ديمهْ كالمجرابْ
تَلقاه يِنسنس ويِدورْ
وع الفَاكس يَركب مِيتورْ
يِمقصِك في قهوه وفطورْ
وكان يَلزم يِردّك سْحورْ
ع الفاكس يبيع اخواتوُ
وْلِدّولار يعطي حياتوُ
عَميل ال أمريكا والنّاتوُ
في جهنّم يَاما خَلاَّتوُ
ما فْليح كان في هَزّان القفّه
صبّاب ويْموتلك ع النفّه
كان يلقى يِحذفك في بودفَّه
ولاَّ ينفيك ال غزّه والضفّه
تْنوفيقو فات الحدودْ
وْكذبو ديمه موجودْ
يِلسع، نار كالسّفودْ
يَا وْخياني ملاّ جْبودْ
عَامل روحه بَنّي بَنّي
عَصفور وفي وَكره يغنّي
دَجاجه طْقاقي يا مْزَطلنيِ
يا وْخيّاني ح يجنّني
مرّة نحوّس زاهي فرحان
عرضني خوينا كالثعبان
قالي: خويا راني عطشان
مديت لَه أمَيَه بكل آمان
غزرلي خونا على جنب
وقالي: سامحني في تعب
والله البارح شي عجب
ليله عدّيتها فن وطرب
كانت معايا هيفاء وهبي
القمودي وعماد الذهبي
وغدوه عندي معاهم
Derby
وماشي معاهم لسيدي الصحبي
مزّيلت كي وصلت البارح
هاني هارب وريقي شايح
كمشه بنات بدت تطايح
ملاّ
scène
وملاّ فضايح
اليومَه خبروا في الأخبار
طَيّارتي حَطّت في المَطار
جَاووني شناته وبرشه صغار
عطيت ال كل واحد دولار
توا كوصلت من
Cuba
خليت غادي ماما و
papa
نفركس على جماعة مرحبا
عاملين
Meeting
في ال
Biwa
حبّيت نهز ال
mercedes
ولاّ
Décapotable
ولاّ
Classe S
نعفس بيها في الكيّاس
مابين سوسه وجلاص
وزمارتها راهي نحاس
الليلة
Base
عندي طلعة
ال
Paris
ومعاها بلعة
نجيب معايا شويهْ سلعة
حشيش مفوح وزيد الولعة
Mais en attendant
عندي
Problème
هزيت كلبي للحجّام
يغسله ويعمله حمّام
يشربه
Jus
معاه
Sézame
Pour garder la ligne
كالمدام
......
ياوخياني ملاّ سفسوف
ثعلب، خنزير وحلّوف
يستاهل طريحه وكفوف
ولا واحد عليه يروف
شكون فيكم يهنّيني عليه
هالسّفسوف ويَعطيه
الفَلقه على راسه وساقيه
باش هالكذب إيْنَحِّيهْ
.......
صاروخ وديمه ممتعكم
صفقوله باش يشجعكم
على هالسّفسوف ويشيّعكم
ال باب الدار ويمنّعكم
من هالفشلام اللّي ملوّعكم
صاروخ